Reload

Periodo: Xullo 2022 – Xuño 2025 

Orzamento: 

Obxectivo xeral do proxecto: 

O proxecto RELOAD ten como obxectivo xeral contribuír dunha maneira eficiente e segura á subministración de metais de alto valor na cadea de valor industrial do Vehículo Eléctrico e Conectado (VEC), reducindo a dependencia de importacións e impulsando un modelo industrial sostible, circular e con menor pegada ambiental. 

Para iso investigaranse diferentes tecnoloxías de reciclaxe, ecodiseño e industria 4.0 para recuperar metais de alto valor presentes en compoñentes electrónicos, baterías de ión-litio e motores eléctricos ao final da vida útil do VEC, de tal forma que se poidan volver incorporar á cadea de valor establecendo un modelo circular.  

A modo esquemático este modelo funcionaría así:

Fin de vida → compoñentes electrónicos con alto valor → desensamblaxe automático →  tecnoloxías eficientes e sostibles de reciclado → metais de alto valor económico → trazabilidade dos metais ata novos produtos → modelos de Ecodeseño dos VEC → fabricación → posta en mercado 

O papel de Balidea: 

Balidea participará no obxectivo específico de integrar o uso de tecnoloxías dixitais como ferramentas facilitadoras para o impulso de procesos de reciclaxe, mediante a investigación de tecnoloxías que garantan a rastrexabilidade de metais impulsando a economía circular. 

Para iso realizará o deseño dun prototipo dixital baseado en tecnoloxía BlockChain que garanta a rastrexabilidade dos metais en toda a cadea de valor, desde a fabricación de compoñentes, uso destes compoñentes, recuperación e reutilización dos metais para garantir a sustentabilidade dos mesmos e a eficiencia no uso dos recursos. 

Ao mesmo tempo levará a cabo unha investigación para a creación dun modelo funcional e preditivo baseado en Intelixencia Artificial (IA), que permita predicir a dispoñibilidade e a demanda de produtos/metais recuperados de interese para o sector automobilístico español e, por tanto, axude a planificar o seu aproveitamento óptimo. 

Tamén se definirán novas métricas e indicadores de circularidade en base a unha profunda revisión da Normativa europea e española relativa a compoñentes electrónicos e baterías, e levará a cabo unha investigación para deseñar un modelo ou mapa dixital dinámico de circulación de metais co fin de facilitar o seu uso, recuperación e reutilización en tres casos de uso: baterías, motor eléctrico e compoñentes electrónicos. 

Por último, deseñarase, en colaboración con SEAT, un pasaporte dixital europeo de baterías de vehículos eléctricos. 

Apoios recibidos: 

Este proxecto foi financiado polo Ministerio de Industria, Comercio e Turismo a través do Plan de Recuperación, Transformación e Resiliencia, grazas ao programa NextGenerationEU, o paquete de medidas de recuperación económica de COVID-19 para os Estados membros da UE.