ADESTRA-TRAFFIC

O proxecto  ADESTRA-TRAFFIC ( Exp. TSI-100107-2017-16) ten como obxectivo a aplicación de tecnoloxías de visión artificial e de captación, procesado e xestión de vídeos para construír sistemas que faciliten e fomenten contornas de mobilidade urbana sustentable e segura.

As cámaras de vídeo fixéronse presentes na nosa vida cotiá de forma natural. A gravación de vídeo converteuse nun medio económico de adquirir gran cantidade de información, e cobra especial relevancia no ámbito do tráfico e a seguridade viaria.

Agora ben, normalmente a presenza dunha  videocámara non evita a necesidade dunha persoa  visionando imaxes e tomando decisións. ADESTRA- TRAFFIC ten por obxectivo superar eses inconvenientes, de forma que a análise das imaxes de forma autónoma permita xerar determinadas alertas para, nuns casos, evitar situacións de risco e, noutros, mellorar a seguridade da circulación de vehículos e a súa interacción cos peóns.

As distintas variables do mesmo atópanse relacionadas unhas con outras, de forma que a combinación delas dará lugar a un sistema por unha banda xerador de información e por outra subministrador da mesma conectado a tres niveles:

• -Titular da vía
• -Corpo de seguridade competente na vixilancia da vía
• -Usuarios da infraestrutura

O sistema final dispoñerá de 4 módulos diferenciados, sendo produtos interconectados pero despregables de maneira unitaria, para adaptarse ás necesidades dos potenciais clientes. Son os seguintes:

• -SDCSC: Sistema Detección Condución Sentido Contraria
• -SAGT: Sistema Automatización Xestión do Tráfico
• -SIVPP: Sistema Identificación de Vehículos Potencialmente Perigosos
• -SACTR: Sistema Análise de Circulación en Tempo Real

O alcance do proxecto inclúe:

• -A consultoría e análise dos módulos anteriormente indicados
• -O desenvolvemento hardware dos dispositivos daqueles módulos que requiran de produto físico anexo ao despregamento do módulo
• -O desenvolvemento software dos 4 sistemas, tanto das aplicacións de  Backend, como  APPs, como as capas de integración necesarias
• -A validación e pilotaxe en contornas reais de cada un dos módulos abordados
• -O seguimento e control de calidade necesario ao longo do todo o proxecto

O proxecto conta para o seu desenvolvemento cunha axuda por parte do Ministerio de Enerxía, Turismo e Axenda Dixital e do Fondo Europeo de Desenvolvemento Rexional no marco da convocatoria Acción Estratéxica de Economía e Sociedade Dixital (subprograma Impulso Tecnolóxico) do ano 2017.  O plan de proxecto contempla o seu desenvolvemento do 1 de setembro de 2017 ao 31 de decembro de 2018.