Obtivemos a certificación do Esquema Nacional de Seguridade (ENS) de AENOR para os nosos sistemas de información que brindan soporte aos servizos informáticos para a xestión empresarial e a Administración Pública, así como soporte técnico para software e sistemas operativos.

• “Future: Fast Forward” é un proxecto de país apoiado por unha agrupación de 62 empresas, lideradas polo Grupo Volkswagen e SEAT S.A.
• A proposta foi rexistrada ao PERTE para o Vehículo Eléctrico e Conectado (VEC) coa ambición de converter a España nun hub do vehículo eléctrico en Europa.
• Balidea participa dentro do proxecto primario RELOAD, que ten como obxectivo contribuír á subministración de metais de alto valor na cadea industrial do VEC, impulsando un modelo sostible baseado na economía circular. 

A unidade de Desenvolvemento e Produción TIC de Balidea vén de renovar por 3 anos a súa avaliación de nivel 3 do Instituto CMMI de Integración de Modelos de Madurez de Capacidades (CMMI® polas súas siglas en inglés, Capability Maturity Model Integration), que analiza os procesos dentro dunha organización. A avaliación realizouna a compañía asociaciada Gesein S.L.

Con motivo do Día Internacional da Seguridade da Información (DISI), que se celebra o 30 de novembro, a compañeira de Balidea e experta na materia Belén Pérez, destaca unha serie de consellos para empresas co fin de evitar os ciberataques.

Balidea aparece por primeira vez como empresa xeradora de riqueza no informe Ardán, o documento de referencia para coñecer o estado do tecido empresarial galego. A nosa empresa tecnolóxica recibe esta distinción xunto con outras 246 firmas das 18.235 rexistradas na comunidade. Entre os méritos para obter este indicador están o bo comportamento dos resultados económicos e a redución do custo dos recursos.

Balidea participou como socia na asemblea anual de GAIA, o Clúster Vasco de Electrónica, Informática e Telecomunicacións, celebrada en Bilbao o pasado 9 de xuño e na que se referendou a decisión de integración con AVIC (Asociación Vasca de Empresas de Enxeñería e Consultoría).

Balidea entrou recentemente a formar parte de GAIA, a Asociación de Industrias das Tecnoloxías Electrónicas e da Información do País Vasco. Formará parte do comité de traballo de Sistemas da Información de GAIA, co obxectivo de impulsar sinerxías e oportunidades de cooperación con outras empresas, participando en iniciativas concretas para a posta en marcha de proxectos de innovación ou para a asistencia a novos mercados de forma conxunta.

Balidea foi certificada co nivel 3 do Instituto CMMI de Integración de Modelos de Madurez de Capacidades (CMMI polas súas siglas en inglés, Capability Maturity Model Integration), que avalía os procesos dentro dunha organización.

CMMI é un modelo de evolución da capacidade que lle proporciona ás organizacións os elementos esenciais para a efectividade dos seus procedementos e, en última instancia, unha mellora do seu rendemento.

BALIDEA está a colaborar co Posgrao de Xestión Empresarial da Innovación, organizado pola Universidade da Coruña e dirixido por Jose Manuel Barreiro e Andrés Faíña da Cátedra Jean Monnet de Economía Industrial Europea. Este posgrao inclúe a realización de prácticas en empresas innovadoras como BALIDEA, recoñecida como Peme Innovadora polo Ministerio de Economía e Competitividade.

O R.C. Deportivo da Coruña aposta pola tecnoloxía e o seu corpo técnico leva tempo usando ADESTRApp para mellorar os resultados, corrixir posicións e ver de novo as xogadas pasados uns segundos.

O uso desta ferramenta non pasa desapercibida para os medios deportivos e, nesta ocasión, é o programa de Canal + 'El día después' o que menciona a innovadora tecnoloxía na súa crónica deportiva do partido Dépor-Málaga, no que o equipo galego conseguiu un empate, despues dunha non moi boa tempada.