A Axencia para a Modernización Tecnolóxica (Amtega) da Xunta de Galicia, en colaboración co Parque Nacional das Illas Atlánticas, dependente da Consellería de Medio Ambiente, Territorio e Vivenda, vén de publicar o novo portal web do Parque Nacional das Illas Atlánticas, desenvolvido por Balidea en Drupal 9, co obxectivo de constituír o punto de referencia para toda a información oficial relacionada con este espazo natural protexido.

Balidea encargarase do servizo de mantemento e evolución do portal web de Les Corts Valencianes durante o próximos tres anos. O proxecto inclúe a migración do sitio á versión máis actualizada do seu xestor de contidos, neste caso Drupal 9. Abordaranse, ademais, servizos de mantemento preventivo, correctivo e adaptativo, así como a evolución funcional e gráfica do espazo web, realizando previamente unha análise da experiencia de usuario da plataforma actual para valorar posibles necesidades e melloras a ese nivel.

Esta semana, durante os días 10 e 11 de novembro celébrase o Fórum RIES 2021, que chega á súa sexta edición impulsado polo Clúster Saúde de Galicia (CSG). Trátase dunha cita imprescindible para persoas, empresas e entidades interesadas nos retos internacionais que ha de afrontar o Ecosistema Saúde e que nesta edición centrarase na revolución dixital da atención sanitaria e os coidados.

Balidea continúa colaborando coa Xerencia Rexional de Saúde de Castela e León ( SACYL) no desenvolvemento de ferramentas tecnolóxicas relacionadas coa loita fronte á Covid-19. É por iso que participou na posta en marcha do sistema de Autocita da cidadanía nas campañas de vacinación e doutra plataforma para o rexistro de probas covid e emisión de certificados COVID dixital UE en laboratorios externos.

Colaboramos no desenvolvemento da plataforma web do novo centro GaiásTech da Xunta de Galicia, que acaba de inaugurar a súa actividade, centrada na transformación dixital da nosa comunidade. Localizado na Cidade da Cultura, actuará como un espazo para a demostración e experimentación en tecnoloxías avanzadas e de concentración do coñecemento tecnolóxico ao servizo das empresas, as administracións e a sociedade galega.

O proxecto web

Presentamos XESTAL (Xestión Forestal Sostible Mediante Teledetección Remota) no Centro Experimental Áncora (Cervo-Lugo, xestionado polo Instituto Tecnolóxico de Galicia ITG), xunto aos nosos compañeros do consorcio creado para o desenvolvemento da proposta, as empresas Aeromedia (líder do proxecto), Cerna e Greenalia, en colaboración co centro tecnolóxico ITG, a Universidade de Santiago e co apoio da Xunta de Galicia.

Nos últimos meses Balidea colaborou coa Xerencia Rexional de Saúde de Castela e León (SACYL) no desenvolvemento de varios proxectos especialmente relacionados coa loita fronte á Covid-19.

Destacan pola súa relevancia na situación de pandemia e por estar actualmente en uso por parte de SACYL dous destes sistemas, os denominados VACO e CRCO, para a axuda á planificación e xestión de campañas de vacinación e á xestión das campañas de cribados selectivos con antíxenos de segunda xeración.

A Axencia de Coñecemento en Saúde (ACIS) do Sergas acaba de estrear o seu novo portal web, un espazo accesible, visual e responsive, é dicir, adaptado a todos os dispositivos móbiles. Deseñouse pensando en establecer un modelo de portal adaptable para calquera área, centro ou fundación dependentes do Servizo Galego de Saúde (Sergas), personalizando a súa imaxe e estrutura. Balidea encargouse do seu desenvolvemento, soporte, xestión de permisos e formación de persoas usuarias.

Balidea logrou renovar o contrato para o mantemento e evolución das aplicacións do Servicio Cántabro de Saúde, asociadas aos seus sistemas de historia clínica electrónica e atención hospitalaria. Para esta licitación concorreu en UTE con outras dúas empresas do sector TIC con gran experiencia no ámbito sanitario:  Horus Ingeniería e GTI Santander. O contrato ten unha duración de dous anos coa posibilidade de renovación por outros dous.

Balidea acaba de converterse en provedor homologado de solucións e proxectos tecnolóxicos do sector público danés. Incorpórase así á lista de empresas que cumpren os requisitos necesarios elaborada por SKI, a entidade mediadora para os procesos de contratación pública en Dinamarca.

Esta homologación supón un gran logro e unha interesante oportunidade para Balidea, nun país no que cada ano o sector público gasta aproximadamente 40 mil millóns de euros en bens e servizos proporcionados por empresas privadas.