Balidea participou como socia na presentación pública de Future: Fast Forward, que levou a cabo onte en Madrid. O acto contou coa presenza da Ministra de Facenda e Función Pública María Jesús Montero, quen apuntou que “temos o coñecemento tecnolóxico, a capacidade industrial, o liderado empresarial e o apoio das administracións públicas para contribuír a unha economía cada vez máis sostible, máis limpa e menos contaminante, onde a mobilidade eléctrica vai desempeñar un papel determinante”. Este acto levou a cabo despois de que o Ministerio de Industria, Comercio e Turismo dese a súa conformidade final á proposta de Balidea sobre o desenvolvemento dos Proxectos Estratéxicos para a Recuperación e Transformación Económica para o Vehículo Eléctrico (PERTE VEC) incluído na agrupación Future: Fast Forward.
As 52 empresas de Future: Fast Forward van contribuír ao PERTE VEC coa posta en marcha de 86 proxectos en 9 comunidades diferentes, divididos segundo temática en nove bloques. Balidea participa dentro do bloque transversal de economía circular, como membro do proxecto primario RELOAD, cuxa misión é contribuír á subministración eficiente e segura de metais de alto valor na cadea industrial do Vehículo Eléctrico e Conectado (VEC), reducindo a dependencia de importacións e impulsando un modelo industrial sostible, circular e con menor pegada ambiental.
En particular, Balidea encargarase de integrar o uso de tecnoloxías dixitais como ferramentas para impulsar os procesos de reciclaxe, investigando tecnoloxías que aseguren a rastrexabilidade dos metais e fomenten a economía circular. Para iso, deseñará un prototipo dixital que garanta a rastrexabilidade dos metais ao longo da cadea de valor, desde a fabricación de compoñentes ata a súa recuperación e reutilización.
Ademais, levará a cabo unha investigación para crear un modelo funcional e preditivo baseado en Intelixencia Artificial que permita predicir a demanda e dispoñibilidade de produtos e metais recuperados de interese para o sector automotriz español e mellorar o seu aproveitamento. Finalmente, en colaboración con SEAT, deseñarase un pasaporte dixital europeo das baterías dos vehículos eléctricos, que garantirá a sustentabilidade dos procesos na súa fabricación.
O proxecto RELOAD está liderado pola compañía ENSO e, ademais de Balidea, participan tamén no consorcio as empresas SEAT, Técnicas Reunidas, Asai Industrial, CETIM, a Universidade de Zaragoza e a Axencia Estatal Consello Superior de Investigacións Científicas (CSIC). Xuntos, traballarán para impulsar a sustentabilidade e a economía circular na industria do Vehículo Eléctrico e Conectado.
Future: Fast Forward é a maior alianza empresarial da historia da automoción en España. A súa diversificación xeográfica e o seu completo coñecemento de toda a cadea de valor da automoción outórganlle unha visión integral dos pasos necesarios para desenvolver a electrificación sostible da mobilidade en España. Trátase dun proxecto ambicioso e de país que pode transformar España nun hub europeo líder en mobilidade eléctrica, ademais de impactar de forma moi positiva a nivel socioeconómico pola súa capilaridade en toda a cadea de valor do sector do automóbil.
Coa resolución definitiva do Ministerio de Industria finalizan os trámites administrativos previstos para recibir os fondos do Plan de Recuperación, Transformación e Resiliencia da Unión Europea outorgados ás empresas de Future: Fast Forward, que alcanzan os 357 millóns de euros.
Xunto coa presentación pública deste xoves, na que se deu ha coñecer os detalles dos diferentes proxectos, supón a posta en marcha definitiva da iniciativa, que prevé mobilizar un investimento de 10.000 millóns de euros: 7.000 millóns de euros do Grupo Volkswagen, SEAT S.A. e PowerHoldco e 3.000 do resto das empresas.