BALIDEA obtén o nivel de madurez 2 de CMMI
Martes, 30 Xuño 2009 15:16
.jpg)
BALIDEA acadou o Nivel 2 do CMMI (Capability Madurity Model Integration), unha certificación independente que valora a capacidade dunha empresa para prestar servizos de desenvolvemento de procesos de software.
CMMI é o modelo máis difundido a nivel mundial para a mellora dos procesos de desenvolvemento e mantemento de sistemas e productos de software que outorga o Software Engineering Institute da Universidade Carnegie Mellon (Pittsburg, EEUU). Estes son o seus principais beneficios:
- Maior efectividade na detección e redución de erros que poidan afectar directamente a clientes e usuarios. os equipos de traballo e os clientes logran ter unha maior visibilidade das tarefas que se realizan, cunha garantía de que os requisitos son contemplados adecuadamente.
- Resultados máis predecibles nos proxectos e mecanismos para responder de manera rápida e eficaz a calqueira cambio, incidencia ou potencial desviación que se presente no transcurso dun proxecto ou servizo.
- Redución de custos e aumento do rendemento da inversión e da produtividade da empresa.
- Redución nos prazos de entrega dos proxectos.
- A medio prazo, aumenta a confianza nas estimacións e plans desenvolvidos de xeito que a organización pode abordar con seguridade maiores retos sobre a base da experiencia que vai acumulando.
Certificación CMMI Nivel 2 
