BALIDEA colaborará na actualización de datos dos Censos de Entidades Locais
BALIDEA colaborará na actualización de datos dos Censos de Entidades Locais
Venres, 30 Xullo 2010 12:55
O Consello de Contas vén de adxudicarlle a BALIDEA o desenvolvemento dunha aplicación web que permitirá a actualización dos datos de Censo das Entidades Locais de Galicia, o seu envío telemático e a carga de información nos sistemas actuais de explotación.
A finalidade desta aplicación é o mantemento permanentemente actualizado do Censo das Entidades Locais de Galicia, para o que cómpre obter de primeira fonte e de xeito sistemático os datos censais das propias entidades.
No marco da prestación deste servizo, BALIDEA colaborará co ente fiscalizador das contas do sector público galego no desenvolvemento, seguimento funcional e mantemento correctivo, evolutivo, perfectivo e adaptativo da devandita aplicación.
Alcance técnico e fácil accesibilidade
Cumprindo cos requisitos demandados, BALIDEA traballará para que o deseño web e o entorno sexan os máis familiares para aquelas/es usuarias/os xa acostumados a usar a aplicación e para que non teñan problemas de acesibilidade.
Cabe destacar a experiencia da empresa e dos profesionais ofertados no desenvolvemento de proxectos relacionados co alcance funcional e técnico obxecto deste concurso. Nel, empregaranse varias ferramentas que servirán de apoio ao desenvolvemento completo do proxecto.
Outros proxectos
BALIDEA xa ten colaborado co Consello de Contas de Galicia noutros proxectos:
| < Anterior | Seguinte > |
|---|
