A Secretaría Xeral de Medios publica o seu novo portal web
A Secretaría Xeral de Medios publica o seu novo portal web
Luns, 02 Agosto 2010 09:35
O órgano superior da Administración autonómica encargado de executar a política xeral da Xunta de Galicia en materia de comunicación e audiovisual, confiou en BALIDEA para a creación e posta en marcha do seu portal web (http://medios.xunta.es).
Ata a data, a Secretaría Xeral de Medios non contaba cun portal personalizado que lle permitise difundir os proxectos que abordaba. O equipo de BALIDEA encargouse das tarefas de análises, deseño, maquetación, desenvolvemento e implantación deste novo espazo.
Deseño personalizado, funcionalidade e fácil navegación
Cumprindo coas esixencias demandadas pola Secretaría Xeral de Medios, o portal está composto por diferentes seccións. A través da portada podemos acceder aos últimos elementos dos apartados internos, así como contidos exclusivos desta zona. Obxectivos, organigrama, proxectos, axudas e convenios, noticias e algúns elementos xerais (mapa web, declaración da accesibilidade do portal…) compoñen o resto do portal, que fan que teña unha gran funcionalidade.
O portal dispón tamén dun sistema RSS, que permite a subscrición, a aquelas/os usuarias/os interesadas/os, ás novidades da web.
BALIDEA colabora activamente na estratexia de comunicación na rede da Xunta de Galicia. Nos últimos tempos, desenvolveu portais e ferramentas web para diferentes organismos dependentes do goberno autonómico en diferentes tecnoloxías corporativas.
| < Anterior | Seguinte > |
|---|
