ProtGal

Este proxecto, coordinado por Balidea, xunto con outras empresas do sector TIC como Emergency Security and Logístic Control (SATDATA) e Softgasa Informática, actúa como tractor da innovación no sector calzado. Nel participan firmas de gran tradición e peso: Codeor, Curgal, Losal e unha firma especializada no sector farmacéutico- sanitario, Laboratorios Iberpos.

As tecnoloxías son o alicerce fundamental deste proxecto, que pretende promover o emprego das TICs nos ámbitos produtivos, apostando de xeito firme pola innovación e o desenvolvemento tecnolóxico como base para propiciar a sustentabilidade do sector e a calidade do produto. En particular busca contribuír ao deseño de calzado acorde coas persoas con necesidades especiais e que por problemas podolóxicos non poden acudir á oferta dispoñible no mercado.

Entre as tecnoloxías aplicadas destacan todas aquelas relacionadas coa mellora técnica na fabricación do produto, procurando a calidade sanitaria do calzado, ao mesmo tempo que se desenvolven plataformas de comunicación e distintas aplicacións, automatizando todo o proceso produtivo dende a prescrición e deseño ata o produto final.

O proxecto está cofinanciado dentro do programa FEDER-INNTERCONECTA polo Centro para o Desenvolvemento Tecnolóxico Industrial (CDTI) do Ministerio de Economía e Competitividade, polo Fondo Tecnolóxico e polo Fondo Europeo de Desenvolvemento Rexional Feder, e a Axencia Galega de Innovación.